ഒരു യുദ്ധമിനിയും വരുന്നൂ, ജയിക്കുവാ- നൊരുവനും ശേഷിച്ചിരിക്കാത്ത ഭൂമിയില്‍ ഒരു തവണകൂടിയുറങ്ങിയുണരവേ ചിതലുകള്‍ ചിത്രശലഭങ്ങളാവണേ. ശാപങ്ങളെ ദൈവാനുഗ്രഹങ്ങളാക്കി മാറ്റുന്ന ചെറിയവന്റെ എളിയ അടയാളങ്ങളാണ് ദേശമംഗലം രാമകൃഷ്ണന്റെ കവിതകള്‍. മലയാളകവിതയില്‍ ശീലങ്ങളില്‍നിന്നുള്ള വ്യതിയാനങ്ങളിലൂടെ, അനുഭവിച്ച കിനാവുകളുടെയും ക്ഷതങ്ങളുടെയും വാങ്മയ ലോകം സൃഷ്ടിച്ചുകൊണ്ട് ഈ കവി പുതിയൊരു ഭാവുകത്വം സമ്മാനിക്കുന്നു. ദേശമംഗലം രാമകൃഷ്ണന്റെ ശ്രദ്ധേയമായ കവിതകളുടെ സമാഹാരം
Category Archives: What’s New
കവിതയുടെ ഭൂഖണ്ഡങ്ങള്‍
ലോകാവസാനവും മായന്‍ കണ്ടറും ചിലരെയെങ്കിലും പരിഭ്രമിപ്പിച്ച 2012 ഡിസംബര്‍ കടന്നുപോയി. ഇതു തന്നെയാണ് അവസാനം, ലോകാവസാനമായി എന്ന് പറയുന്ന പ്രവാചകന്മാരെയും നമ്മള്‍ കണ്ടു.2004ല്‍ അന്തരിച്ച പോളിഷ് കവി സെസ്‍ലോ മിലോസ് ലോകാവസാനത്തെപ്പറ്റി ഇങ്ങനെ പറയുന്നു.. ലോകം അവസാനിക്കുന്ന ദിവസം ക്ലോവര്‍പൂവിനെ വട്ടമിട്ടു പറക്കുന്നു ഒരു തേനീച്ച നിറംകെട്ടൊരു വല കേടുപാടുതീര്‍ക്കുന്നു മുക്കുവന്‍ കടലില്‍തുള്ളിച്ചാടുന്നു കടല്‍പ്പന്നി മഴവെള്ളച്ചാലില്‍ കളിക്കുന്നു കൊച്ചുകുരുവികള്‍ എന്നത്തെയുംപോലെ സര്‍പ്പം സ്വര്‍ണ്ണത്തൊലിയാല്‍ തിളങ്ങുന്നു. കവിത അവസാനിക്കുന്നതിങ്ങനെ നരവെളുപ്പാര്‍ന്നൊരു വൃദ്ധന്‍ മാത്രം …….അയാള്‍ ഒരു പ്രവാചകനായിരിക്കില്ല എന്തെന്നാല്‍ […]
ലോകകവിത ചില ഏടുകള്‍
ഒരുപക്ഷേ പൂക്കളെപ്പറ്റി എഴുതാം. എന്നാലോ മൊട്ടിടാന്‍ പൂവായ് വിരിയാന്‍ പ്രയാസം. വിരിഞ്ഞാലോ നിറമാവാന്‍, തേനാവാന്‍ പ്രയാസം. അഥവാ എന്തിനാണ് എന്താവശ്യത്തിനാണ് വിരിയുന്നത്? വിരിയാനായാലും ‘പോലെ’ വിടരാനായാലും ഒരു ഇച്ഛാശക്തിയോ പ്രേരണയോ വേണം – അങ്ങനെ ഏതോ സംശയവിഹ്വലതകള്‍ക്കിടയിലാണ് പലപ്പോഴായി ഈ പരകായപ്രവേശങ്ങള്‍ സംഭവിച്ചത് എന്നോര്‍ക്കുന്നു. കവിതാവിവര്‍ത്തനത്തില്‍ യാദൃച്ഛികമായാണ് വ്യാപരിക്കാന്‍ തുടങ്ങിയത്. അന്യഭാഷാകവികളുടെ ബാഹ്യവും ആന്തരികവുമായ സന്നിവേശങ്ങളെ അടുത്തറിയാനും സാംസ്‌കാരികസൗന്ദര്യങ്ങളെ ഉള്‍ക്കൊള്ളാനും ഇങ്ങനെ ചില പുനഃസൃഷ്ടികളില്‍ മുഴുകുക എന്നതൊരു ശീലമായി. ഇതൊക്കെ നന്നായിട്ടുണ്ടോ എന്നു ചോദിച്ചാല്‍ കുടുങ്ങും. അപ്പപ്പോഴത്തെ […]
